شىنخۇا تورى ئۈرۈمچى 1-فېۋرال تېلېگراممىسى . چاغانلىق ترانسىپورت مەزگىلىدە يولۇچىلارنىڭ ۋاقتىدا ئايروپىلان بېلىتى سېتىۋىلىشى ئۈچۈن، جەنۇب ئاۋىئاتسىيىسى شىنجاڭ تارماق شىركىتى يېڭىدىن 136 نۆۋەتلىك ئايروپىلان كۆپەيتتى، بۇنىڭ ئىچىدە شەرقىي لىنىيىگە 108 ئىسمىنا، شىنجاڭنىڭ دائىرىسىدە 28 ئىسمىنا ئورۇنلاشتۇرۇپ، يولۇچىلار ئۈچۈن 20 مىڭغا يېقىن ئورۇن كۆپەيتتى.

　　جەنۇب ئاۋىئاتسىيىسى شىنجاڭ تارماق شىركىتىنىڭ تونۇشتۇرۇشىچە، چاغانلىق ترانسىپورت مەزگىلىدە ئىسمىنا قوشۇپ ئىشلەش ئاساسلىقى بېيجىڭ، ۋېنجۇ،فۇجۇ، شيامېن، نەنجىڭ، چاڭشا، جېڭجۇ قاتارلىق شەھەرلەرگە مەركەزلەشكەن. 30-يانۋاردىن باشلاپ چاغانغىچە، جەنۇب ئاۋىئاتسىيىسى شىنجاڭ ئىچى لىنىيىسىدە ئىسمىنا قوشۇش ياكى ئايروپىلان تىپىنى تەڭشەش قاتارلىق ئۇسۇللار ئارقىلىق ئورۇنغا بولغان سېلىنمىنى كۆپەيتىدىكەن. ئۈرۈمچى بىلەن قەشقەر، خوتەن، غۇلجا، ئاقسۇ، كورلا ئارلىقىدا نۆۋەتلىك ئايروپىلان 28 ئىسمىنا كۆپەيتىلىدىكەن، يېڭىدىن 3570 ئورۇن قوشۇلىدىكەن. (خې جەنجۈن، ليۇ فېڭ خەۋىرى)

　　مەنبە: شىنخۇا تورى شىنجاڭ قانىلى