شىنجاڭ ئېكولوگىيە ۋە جۇغراپىيە تەتقىقات ئورنىدىن ئىگىلىنىشىچە، ماسىشتابى 1:1000000 بولغان شىنجاڭنىڭ يەر شەكلى خەرىتىسى ئاساسىي جەھەتتىن پۈتكەن، ئاخىرقى خىزمەتلەر تاماملانغاندىن كېيىن، بۇ يەر شەكلى خەرىتىسى ئىنتېرنېت تورىدا ئېلان قىلىنىدىكەن. بۇ خەرىتە يەنە دۆلەت پەن – تېخنىكا تەرەققىياتى 2 – دەرىجىلىك مۇكاپاتىغا ئېرىشكەن.

　　شىنجاڭنىڭ يېرى كەڭ، يەر شەكلى ھەر خىل، دېڭىزدىن باشقا قۇرۇقلۇق يەر شەكلىنىڭ ھەر قاندىقى بار. بىراق ماسىشتابى 1 مىليون بولغان شىنجاڭنىڭ يەر شەكلى خەرىتىسى بولمىغانلىقتىن، شىنجاڭنىڭ بايلىقىنى ئېچىپ پايدىلىنىش ۋە ئېكولوگىيەسىنى قوغداش قاتارلىق ساھەلەردىكى تەتقىقاتنى تېخىمۇ چوڭقۇرلاشتۇرۇش توسقۇنلۇققا ئۇچرىغان. شىنجاڭنىڭ بۇ يەر شەكلى خەرىتىسى سۈنئىي ھەمراھتىن تارتىلغان سۈرەت باشقا ماتېرىياللار بىلەن بىرلەشتۈرۈلۈپ، 30 يىل تىرىشىش نەتىجىسىدە روياپقا چىققان، ئېنىقلىق دەرىجىسى خەلقئارالىق سەۋىيەگە يەتكەن.

　　مەنبە: تەڭرىتاغ ئۇيغۇر تورى